ခံတက်နုလေးတွေညှိုးချိန်တန်တော့ - မိုးမိုး(အင်းလျား)

ဇေယျဝတီမြို့အနီးက "ဂျေပူ" ဆိုတဲ့ ရွာကလေးတစ်ရွာကို နောက်ခံပြုပြီး ဘဝကို ဖြစ်သလို ရုန်းကန်လှုပ်ရှားရင်း ဖြစ်ပေါ်လာရတဲ့ လူသားတွေရဲ့ ချစ်ခြင်းမေတ္တာနဲ့ သံယောဇဉ်အလှည့်အပြောင်းတွေကို စိတ်ဝင်စားဖွယ် ပုံဖော်ထားတဲ့ ဝတ္ထုတစ်ပုဒ် ဖြစ်ပါတယ်။

လောကကြီးမှာ လူတစ်ယောက်နဲ့တစ်ယောက် ချစ်ကြတဲ့အခါမှာ ဂုဏ်ဒြပ်တွေကို အထင်ကြီးတဲ့စိတ်နဲ့ ချစ်တတ်ကြပုံ၊ သနားကြင်နာစိတ်နဲ့ဖြစ်စေ၊ မိမိဘဝအတွက် အားကိုးရာအဖြစ် ယူဆပြီးတော့ဖြစ်စေ ပုံစံအမျိုးမျိုးနဲ့ တွယ်တာတတ်ကြပုံတွေကို မီးမောင်းထိုးပြထားပါတယ်။

လူ့သဘာဝရဲ့ စရိုက်စုံလင်မှု၊ ဘဝရဲ့ ရုန်းကန်ရမှုတွေကြားက စိတ်ကူးနဲ့ လက်တွေ့ မတူညီပုံတွေကို ရိုးရှင်းပြီး ထိမိလှတဲ့ အရေးအသားသစ်တွေနဲ့ ရေးဖွဲ့ထားတာကြောင့် စာဖတ်သူကို အတွေးပွားစေပြီး ရင်ထဲစွဲကျန်နေစေမယ့် စာအုပ်လေးတစ်အုပ်ဖြစ်ပါတယ်။