11,000 Ks
"တစ်ခါတလေ ပင်လယ်သံကို နားထောင်ရတာ တော်တော်…အရသာမဲ့လွန်းတယ်…
နေဝင်တော့မယ်…ပြောကာမှ… ငှက်ဆိုးက ထတွန်လာတာမျိုး……"
လူတိုင်း ရောက်ခွင့်မရှိသလို၊ ရောက်လာသမျှ လူတိုင်းလည်း သင်္ဘောပေါ် တက်ခွင့်မရတဲ့ ထူးဆန်းလွန်းတဲ့ ကမ်းခြေတစ်ခု။
ထိုကမ်းခြေရဲ့ တစ်ခုတည်းသော စည်းကမ်းကတော့ "လှုံ့ဆော်မှုရှိနေသရွေ့ စကားပြောရမယ်၊ လှုံ့ဆော်မှုကုန်သွားရင်တော့ ပြောစကားကို ချက်ချင်းရပ်ရမယ်" ဆိုတာပါပဲ။
ညဉ့်နက်လာပြီဖြစ်ပေမယ့် သူတို့စောင့်မျှော်နေတဲ့ သင်္ဘောကတော့ အခုထိ ဆိုက်ကပ်မလာသေးပါဘူး။
တစ်ဖက်မှာလည်း အောင်မြင်တဲ့ ဇာတ်ညွှန်းရေးဆရာ နှောင်းနေ တစ်ယောက် လျှို့ဝှက်ဆန်းပြားတဲ့ အလုပ်တစ်ခုကို ပူးတွဲလုပ်ကိုင်ရင်းကနေ သူ့ရဲ့ အမူအရာတွေ စတင်ပြောင်းလဲလာခဲ့ပါတယ်။
အိမ်ထောင်သက်တမ်းတစ်ခုကို အေးအေးလူလူ ဖြတ်သန်းလာခဲ့တဲ့ ဇနီးသည် "မေနှစ်ကုန်" ကတော့ ခင်ပွန်းဖြစ်သူရဲ့ ပုံမှန်မဟုတ်တဲ့ သန်းခေါင်ယံ Message ပို့တဲ့ အမူအရာတွေကို
ရိပ်မိသွားတဲ့အခါ... သူမကိုယ်တိုင်လည်း တစ်စုံတစ်ဦးဆီကို လျှို့ဝှက်စွာ Message တွေ ပြန်ပို့လို့နေပါတယ်။
ထူးဆန်းတာက သူတို့တိုက်ခန်းရဲ့ အပေါ်ထပ်က ကလေးအမေ "စိမ်းလဲ့" ဆိုသူကလည်း တစ်ချိန်တည်းမှာပဲ ဖုန်း Message တွေ ပို့နေခဲ့တာပါ။
ဒီလို လျှို့ဝှက်ချက်ကိုယ်စီနဲ့ လူတွေကြားထဲကိုမှ ထောင်ကျနေတဲ့ စိမ်းလဲ့ရဲ့ ခင်ပွန်း "ဝေဖြိုး"၊ စီးပွားရေးသမား "ဦးသန်းထိုက်"နဲ့ စိတ်ပညာပါမောက္ခ "ဦးခင်ဖေ"တို့ ထပ်မံရောက်ရှိလာတဲ့အခါ...
ထူးဆန်းတဲ့ ထိုကမ်းခြေကြီးနဲ့ မြို့ပြတိုက်ခန်းလေးထဲက လူတွေရဲ့ လျှို့ဝှက်ချက်တွေက ဘယ်လိုမျိုး ဆက်စပ်ပတ်သက်နေမလဲ?
သူတို့အားလုံး စောင့်ဆိုင်းနေကြတဲ့ သင်္ဘောကြီးကော တကယ်ပဲ ရောက်လာမှာလား?
စာရေးဆရာ သိုးဆောင်းရဲ့ ထုံးစံအတိုင်း လူသားတို့ရဲ့ စိတ်အထပ်ထပ်၊
လျှို့ဝှက်ဆန်းကြယ်မှုနဲ့ စိတ်ပညာဆန်းတွေကို ဆွဲဆောင်မှုရှိရှိ ပဟေဠိဆန်ဆန် ခြယ်မှုန်းထားတဲ့ လက်ရာမွန်တစ်ခုဖြစ်လို့ Mystery နဲ့
စိတ်ပညာဆန်တဲ့ ဇာတ်အိမ်မျိုးကို သဘောကျတဲ့ စာဖတ်ပရိသတ်တွေ လက်မလွှတ်တမ်း ဖတ်ရှုသင့်တဲ့ စာအုပ်ကောင်းတစ်အုပ်အဖြစ် ညွှန်းဆိုပေးလိုက်ရပါတယ်။
