လျိုဝှက်မြို့ရိုး၏နောက်ဆုံးအုတ်ချပ်

ပြင်ဦးလွင်မြို့ရဲ့ အေးချမ်းတဲ့လေထုထဲမှာ အပျော်တမ်းဓာတ်ပုံရိုက်ဖို့ ရောက်ရှိလာခဲ့တဲ့ ဓာတ်ပုံဆရာတစ်ယောက်။

သူမျှော်လင့်မထားဘဲ ရောက်သွားခဲ့တဲ့ စာအုပ်အဟောင်းဆိုင်လေးတစ်ဆိုင်မှာ ထူးဆန်းလွန်းတဲ့ “လျှို့ဝှက်မြို့ရိုး” ဆိုတဲ့

စာအုပ်လေးတစ်အုပ်ကို တွေ့ရှိခဲ့ပါတယ်။

အံ့ဩဖို့ကောင်းတာက အဲဒီစာအုပ်မှာ စာမျက်နှာ (၁၁) မျက်နှာပဲ ပါရှိပြီး ဘာစာသားမှ

ရေးသားထားခြင်း မရှိတာပါပဲ။

ဒါပေမဲ့ ဆွဲဆောင်မှုအပြည့်ရှိတဲ့ မျက်နှာဖုံးကြောင့်ပဲ သူ ဒီစာအုပ်ကို ဝယ်ယူဖြစ်ခဲ့ပါတယ်။

ဇာတ်လမ်းရဲ့ အလှည့်အပြောင်းကတော့ ဖယောင်းတိုင်မီးမှိန်မှိန်အောက်မှာ စာအုပ်ကို ဘေးနားချပြီး အိပ်ပျော်သွားခဲ့တဲ့

အဲဒီညကစလို့ လန့်နိုးလာချိန်မှာ စတင်ပါတော့တယ်။

အခန်းနံရံပေါ်မှာ ထင်ထင်ရှားရှား ပေါ်လာတဲ့ ဟောကိန်းလိုလို စာတို ၃ ကြောင်း။

အိပ်မက်လိုလို၊ တကယ်လိုလိုနဲ့ ဝေခွဲမရဖြစ်နေတဲ့ နောက်တစ်နေ့မနက်မှာတော့...

စာအုပ်ထဲက အတိုင်းပဲ ပန်းတွေဝန်းရံနေတဲ့ ရေကန်ကြီးရဲ့ ဘေးမှာ ဆန်းကြယ်တဲ့ မိန်းကလေးတစ်ယောက်နဲ့

ဆုံတွေ့ခွင့်ရခဲ့ပါတယ်။

ဆရာသိုးဆောင်းရဲ့ “လျှို့ဝှက်မြို့ရိုး၏ နောက်ဆုံးအုတ်ချပ်” ဆိုတဲ့ ဒီဝတ္ထုဟာ သာမန်လူငယ်တစ်ယောက် လျှို့ဝှက်ဆန်းကြယ်တဲ့

ဖြစ်ရပ်တွေကြားထဲ ဘယ်လိုစီးမျောသွားမလဲဆိုတာကို ရေးဖွဲ့ထားတာပါ။

စာမျက်နှာတိုင်းမှာ အချစ်ရဲ့ ရင်ခုန်သံ၊ ထိတ်လန့်ခြောက်ခြားဖွယ်ရာ ဇာတ်ကွက်တွေနဲ့ လျှို့ဝှက်ချက်တွေကို

တစ်ပြိုင်နက်တည်း ခံစားရမှာမို့လို့...

လုံးဝလက်မလွှတ်သင့်တဲ့ စာအုပ်ကောင်းတစ်အုပ်အဖြစ် ညွှန်းဆိုပါရစေ။