ဒီနေ့ပျော်ပါ

ဘဝမှာ မနေ့ကဆိုတာ ပြန်ယူလို့မရသလို မနက်ဖြန်ဆိုတာလည်း ကြိုတင်သေချာမသိနိုင်တဲ့အရာပါ။

ဒါကြောင့် လက်ရှိပိုင်ဆိုင်ထားတဲ့ “ဒီနေ့” ကို ဘယ်လိုဖြတ်သန်းမလဲ ဆိုတာက ပိုအရေးကြီးပါတယ်။

ဒီစာအုပ်လေးမှာတော့ အချိန်တွေမြန်ဆန်စွာကုန်ဆုံးနေတဲ့ဘဝမှာ အတိတ်က စိတ်ညစ်စရာတွေကို ပြန်လည်ဆုပ်ကိုင်မနေဘဲ

လက်ရှိအချိန်ကို တန်ဖိုးထားပြီး စိတ်ချမ်းသာအောင် နေထိုင်တတ်ဖို့ အတွေးအမြင်လေးတွေကို ရိုးရိုးရှင်းရှင်းနဲ့ မျှဝေပေးထားပါတယ်။

နေ့ရက်တိုင်းမှာ စိတ်ညစ်စရာ၊ စိုးရိမ်စရာတွေ ရှိနေမှာပဲဖြစ်ပေမယ့် အဲ့ဒီအရာတွေကြောင့် ကိုယ့်ရဲ့ပျော်ရွှင်မှုတွေကို အမြဲတမ်းမပျောက်ဆုံးစေဖို့၊

ကိုယ့်စိတ်ကို ကိုယ်ပြန်ထိန်းသိမ်းတတ်ဖို့ သတိပေးထားတဲ့စာအုပ်လေးပါ။

“ဘဝမှာ သေချာပိုင်ဆိုင်ထားရတာက လက်ရှိအချိန်ပဲ” ဆိုတဲ့အတွေးကို စာဖတ်ပြီးနောက် ပြန်လည်သတိရစေမယ့် စာအုပ်မျိုးဖြစ်လို့ စိတ်ပင်ပန်းနေတဲ့အချိန်၊

ဘဝကို အကောင်းမြင်စိတ်နဲ့ ပြန်လည်ကြည့်ချင်တဲ့အချိန်တွေမှာ ဖတ်ရှုသင့်တဲ့ စာအုပ်လေးတစ်အုပ်ပါ။