ဧကရာဇ်မင်း၏ အတွေးမှတ်စု

" ဘယ်တော့မှ အကြောင်းမပြနဲ့။

ဆင်ခြေပေး၊ အကြောင်းပြတာကို လက်မခံနဲ့။ ကိုယ်တိုင်လည်း ဆင်ခြေဆင်လက်ပေးတဲ့သူ မဖြစ်စေနဲ့။

အလုပ်ကို အလုပ်လိုလုပ်။

တွေဝေမနေနဲ့။ "

ရောမဧကရာဇ် မားကပ်စ် ဩရေးလီးယက်စ်၏ Meditations (The Emperor To Himself) (ဧကရာဇ်မင်း၏ အတွေးမှတ်စု) စာအုပ်သည်

ကမ္ဘာ့ဂန္ထဝင်စာပေများအနက် လူသားတို့၏ ဘဝအမြင်နှင့် စိတ်နေစိတ်ထားများကို နက်ရှိုင်းစွာ ဖော်ပြထားသော စာအုပ်တစ်အုပ် ဖြစ်ပါတယ်။

ဧကရာဇ်တစ်ပါး၏ ကိုယ်ရေးအတ္ထုပ္ပတ္တိကို ရေးသားထားတာမျိုးမဟုတ်ဘဲ မိမိ၏စိတ်၊ အတွေးနှင့် ဘဝအပေါ် ခံယူချက်များကို ကိုယ်တိုင်ပြန်လည်သုံးသပ်ကာ

မှတ်တမ်းတင်ထားသော စာအုပ်ဖြစ်ပါတယ်။

တပဓမ္မ (Stoicism) အတွေးအခေါ်ကို အခြေခံထားသည့် ဤစာအုပ်တွင် မိမိကိုယ်ကို ထိန်းချုပ်နိုင်ခြင်း၊ အခက်အခဲများကို

တည်ငြိမ်စွာ ရင်ဆိုင်နိုင်ခြင်း၊ လူ့ဘဝ၏ အပြောင်းအလဲများကို နားလည်လက်ခံနိုင်ခြင်းတို့အကြောင်း ဖော်ပြထားပါတယ်။

ဘဝတွင် ကြုံတွေ့ရသည့် အခက်အခဲများကို ရှောင်လွှဲရန်ထက် မှန်ကန်သောအမြင်ဖြင့် ရင်ဆိုင်ဖြေရှင်းရန်၊ လက်ရှိအချိန်ကို တန်ဖိုးရှိစွာ အသုံးချရန်နှင့် မိမိ၏ လုပ်ရပ်များအပေါ်

တာဝန်ယူတတ်ရန် လမ်းညွှန်ပေးထားပါတယ်။

ရေးသားခဲ့သည်မှာ နှစ်ပေါင်းများစွာ ကြာမြင့်ခဲ့ပြီဖြစ်သော်လည်း လူ့ဘဝနှင့် စိတ်သဘောသဘာဝအပေါ် တင်ပြထားသည့် အမြင်များကြောင့် ယနေ့အချိန်အထိ

တန်ဖိုးမလျော့သေးသော စာအုပ်တစ်အုပ်အဖြစ် ရပ်တည်နေဆဲဖြစ်ပါတယ်။

မိမိကိုယ်ကို ပြန်လည်ဆန်းစစ်လိုသူများနှင့် ပိုမိုအဓိပ္ပာယ်ရှိသော ဘဝအမြင်များ ရရှိလိုသူများအတွက် ဖတ်ရှုသင့်သည့် စာအုပ်ကောင်းတစ်အုပ် ဖြစ်ပါတယ်။